Ávvudivttat leat čállon sierralágan doaluid várás maid lágideaddjit leat sus di¬gon gaskal 1988-2003. Diktačoakkáldaga lea fávrrot hápmen Minna Saastamoinen ja lea čiŋ¬ahan iežas váldon Deatnu čuovgagovaiguin. Jietnagirjji lieggus musihka leat dahkan girejčálli ristbárdni Niko Valkeapää ja su čeahpes ovttas bargoguoibmi Georg Buljo.
Gielladutki Johanna Ijäs čállá girjji divttaid birra: “Dáid divttaid čáđa beassá lohkki dál oassálastit sámi politihkalaš ja akatemálaš máilmmi historjjálaš dáhpáhusaide, nugo sámi álbmotbeaivve vuosttaš ávvudeapmái ja Sámi girjjálašvuođa vuosttaš doavttirnákkáhallamii.” “Divttain lea e.e. rikkes ja hástaleaddji giella, mii sihke nanne divttaid sisdoalu ja čagalduhttá lohkki gielalaš sáhkkiivuođa.”
Doaktárstipendiahta Kristin Jernsletten fas čállá diktagirjji veardádeamistis: “Buorastahttin- ja ávvudivttat lea mihttilmmas suorgi Lukkari ovdanbuktimis. Divttat sisttisdollet jeavddalaččat Lukkari iežas lyrihkalaš šuoŋ¬a mii ii garvve eaŋ¬kkilis gierisvuođa ja mii addá ávvudivttaide juoidá eará go maid dábálaččat prologaid čoalččas stiila. Ávvudivttat maiddái eai čuovo konvenšuvnnaid, dat leat olmmošlačča, gaskkohagaid liggosat ja vuosttaš geahččasteamis suorggahahtti oktageardánat, ja dáinna lágiin jurdda duvdásage meattá girjjálaš surggiid ja addá baicce divttaide ođđa sisdoalu, gos sámiid buorastahttin – jurddašanvuohki – boahta oidnosii. Ná sáhttáge daddjat, ahte Rauni Magga Lukkari dáinna girjebuvttádemiinnis ovdanbuktá iežaslagan buorástahttin- ja ávvudiktasuorggi. Dáinna ođđa girjjálaš surggiinis lea Lukkari oalle okto, muhto suorggi vuođđun leat dološ árbevierut.”