Saimi Kaarina Lukkari diktagirji Boares Ruoktu lei Gollegiella girjelágádusa vuosttaš prošeakta ja buvttadus. Boares Ruoktu nammasaš diktačoakkáldaga almmostahttin lei čakčat 2003. Girji almmostuvai álbmogiid gaskasaš nissonbeaivvi ávvudandilálašvuođa ja NANA NISU-fotogovva čájáhusa ráhpan oktavuođas Ohcejogas, gos Saimi Kaarina Lukkari lea bajásšaddan.
Girjji diktejeaddji Mákka Jovsset Káre lea riegádan Ohcejogas 1932. Deanuleahki leamašan su bajásšaddanbiras ja Veahčat oktan Luosnjársulluin guovddašbáikin.
Mákka-Jovsset Káre náitalii Avvilii 1950 logus ja doppe son ain ássá Avviljohka gáddis. Káre lea čállan muitalusaid ja divttaid oppa eallenagis. Soapmásiid su divttain leat beassan lohkat Sápmelašbláđis, muhto easkka 70 jahkásažžan Saimi Kaarina Lukkari almmustahtii vuosttaš diktačoakkáldagas.