DÁLVI / SOAMES LEA BOAHTIMEN Jon Fosse

Dálvi: Teáhterbihttá jorgalan Rauni Magga Lukkari, 2005,
ISBN 82-92473-06-8, kr 150 - 50%

Soames lea boahtimen: Teahterbihttá jorgalan Petter J. Lukkari, 2005,
ISBN 82-92473-04-1, kr 150 - 50

Gollegiella lea jagi 2005 almmuhan jorgaluvvon ja teahterii čállojuvvon girjjálašvuođa. Lágádus lei gábá go beasai almmuhit Jon Fosse gelddolaš teahterbihtáid Dálvi ja Soames lea boahtimen guoktin girjin.

Beaivváš Sámi Teahteris jerre geassit 2004 Rauni M. Lukkari ja Johanas Lukkari jorgalit Jon Fosse teahterbihtáid Vinter ja Nokon kjem til å komme dávvisámegillii. Soai lohpideigga ovttatmáno. Go jorgalus lei gárvvis ja teahter lei dohkkehan jorgalusaid de orui teaterhoavdda Harriet Nordlund mielas maiddái suddu jos dát jorgalusat báhcet dušše jorgaluvvon teatermánusin. Dát attii dasto Rauni M. Lukkarii čoavčči buvttihit jorgalusaid girjin Gollegiella lágádusastis.