Norgga Dramatikkfestivála válljii 8 teahterbihtá 76 sáddejuvvon mánusiin ja okta dáin lei En lykkens mann man Petter Johanas Lukkari lei jorgalan dárogillii. Dramatikkfestivala sáddii buot 8 mánusiid norgga teahteriidda ja Našonalteahter hálidii buvttadit Rauni Magga Lukkari En lykkens mann. Čakčamánus 2007 lei vuosttašpremiera ja Lihkkošalbmá rolla nevttii stáđđásit Nils Ole Oftebro ja eadnin ja juoigin lei nuorra ja čeahpes Inga Maarit Juuso-Gaup.
Norgga Dramatikkfestivala čállá Lihkkošalbmá monologa birra čuovvovaččat: “Lihkkošalmmái lea 60-jahkásaš ja lea bajásšaddan Deanuleagis suomabealde. Su eadni gii lei fas dážabeale šaddu lei gieskat jápmán. Dál lea riepman jurdagat givssidit Lihkkošalbmá Olbmot velá hállet ahte eadnis gol lea su gáskán njuoratmánnán vai bisošii ruovttus. Lihkkošalmmái muitalisgoahtage eatnis birra, gii náitala suomabeallái ja geas lea ain norgga personnummer ja pássa ja deahttalas oažžu suomabealde ođđa personnummira ja ođđa pássa. Álohii leamašan lohpi suhkat Deanu rastá dahje johtit jieŋa mielde aiddo gokko ieš lea hálidan. Muhto dál fáktejit rádjafávttat ja doalloalbmát ja riikkaset láhkanjuolggadusaiguin duvdet olbmuid eret dološ johtolagaid alde. Das šaddá politiikkalaš drámatihkka, mákropolitihkka váikkuhus ovttat- indiviidaid guovdu bukto ovdan nana humoristálaš vugiin. Muitalus guorahallá postkolonialaš áiggi Norggas, namalassii dan bealde mii lea koloniserejuvvon. Dát lea dráma sámiid birra geat šlálomastet gaskal iežaset kultuvrra, gaskal sosialalaš- ja sogaoaju, gaskal bearašvuordámužžaid ja rollavuordámuččaid ja gaskal našonalstáhtaid láhkanjuolggadusaid.”
“LIHKKOŠALMMÁI lea guovttebotnat ja máŋggagearddat teaksta. Das lea munnás, stáđis ja rikkis giella ja dan olgguldasat navdojuvvon náiva ja objektiiva muitalanvuohki addá sierra episodaide sihke liekkus, vilda ja doaivvuhis komihka. ”KLASSEKAMPEN 01.10.07 IdaLou Larsen
“…healludahtti teahterteaksta Deanuleagis čoaskačuolat bajásšaddama birra.” AFTENPOSTEN 01.10.07 Elisabeth Rygg